U zunë pas gërvishtjes së makinave, si 23-vjeçari i nguli thikën të riut në Sarandë

Saranda Online ka mësuar deatje të reja mbi plagosjen me thikë të 21-vjeçarit Devis Saliaj në Sarandë, ngjarje që ndodhi të premten e 6 qershorit, në zonën e njohur si “Ekualipsi”.

Konflikti nisi pas një përplasjeje të lehtë mes dy automjeteve, ku gërvishtja e makinave shkaktoi debat mes të rinjve. Autori i dyshuar, 23-vjeçari Denis Beqo nga Saranda, dhe i dëmtuari, Devis Saliaj nga Tirana, u përfshinë në një përplasje fizike.

Gjatë konfliktit fizik Beqo nxori një thikë që e mbante me vete dhe ia nguli në parakrahë 21-vjeçarit nga Tirana.

I plagosuri u dërgua menjëherë në spitalin e Sarandës, ku mjekët konfirmuan se ndodhej jashtë rrezikut për jetën. Ai dha informacion të kufizuar për ngjarjen, pasi gjatë incidentit ndodhej në gjendje të dehur.

Policia shpalli në kërkim autorin dhe po vijon operacionet për kapjen e tij.