Një konflikt i çastit për një vend parkimi në Ksamil ka përfunduar me një të plagosur rëndë dhe disa persona të proceduar penalisht nga policia. Ngjarja ndodhi mbrëmjen e tw premtes, rreth orës 21:15.
Sipas njoftimit zyrtar të Policisë së Vlorës, shtetasi turk H. D., 26 vjeç, me banim të përkohshëm në Prishtinë, u arrestua pasi dyshohet se gjatë përplasjes fizike pwr parkimin, ka goditur me grushte shtetasin A. M., 54 vjeç, banues në Ksamil.
Ky i fundit ka pësuar dëmtime në kokë dhe ndodhet i shtruar në Spitalin e Traumës në Tiranë, nën kujdesin e mjekëve.
Në lidhje me ngjarjen, janë proceduar penalisht në gjendje të lirë edhe katër persona të tjerë të përfshirë në konflikt: B. M., 50 vjeç, Sh. M., 42 vjeç, shtetasi i dëmtuar A. M., si dhe shtetasi tjetër turk A. B., 26 vjeç.
Materialet i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Sarandë për veprime të mëtejshme procedurale.
Lini një koment