Një tjetër përplasje fizike e dhunshme është regjistruar në Sarandë mbrëmjen e të enjtes.
Qyteti bregdetar po kthehet gjithnjë e më shumë në një “zonë të nxehtë”, jo për shkak të temperaturave, por për shkak të ngjarjeve të dhunshme që po përsëriten.
Ngjarja ndodhi në bulevardin e qytetit, ku disa të rinj u përfshinë në një sherr brutal me hunj dhe sende të forta.
Policia ka reaguar në lidhje me ngjarjen ku zbulon se janë përplasur disa të rinj italianë disa prej të cilëve janë arestuar.
Sipas njoftimit zyrtar nga Policia, rreth orës 01:30 të datës 24.07.2025, dy grupe shtetasish italianë janë përfshirë në një konflikt për motive të dobëta, ku janë goditur mes tyre me grushte dhe sende të forta.
Në përfundim të veprimeve procedurale, janë shpallur në kërkim pesë shtetas italianë, të gjithë banues në Napoli:
- T., 23 vjeç
- A., 20 vjeç
- D., 60 vjeç
- L., 19 vjeç
- B., 19 vjeç
Këta shtetas dyshohet se kanë ushtruar dhunë fizike ndaj bashkëkombasve të tyre G. M., 19 vjeç, F. D., 22 vjeç dhe L. D., 20 vjeç, banues në Avelino.
Ndërkohë, materialet janë referuar në Prokurori edhe për një tjetër shtetas italian, E. G., i cili nga verifikimet rezultoi se ushtronte aktivitet të paligjshëm për shitjen e biletave për festa, pa leje përkatëse, si dhe kishte punësuar persona të pasiguruar.
Strukturat e Komisariatit të Policisë Sarandë vijojnë punën për lokalizimin dhe kapjen e personave të shpallur në kërkim, ndërsa materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.
View this post on Instagram
Lini një koment