Një 29-vjeçar nga Berati është arrestuar nga Policia e Sarandës, pasi dyshohet se është autor i disa vjedhjeve nga automjetet e parkuara, kryesisht të turistëve.
Sipas burimeve zyrtare, ngjarja më e fundit u regjistrua më 19 qershor 2025, në lagjen nr. 1 të qytetit, ku i dyshuari K. S. u kap në flagrancë pasi kishte marrë para nga një çantë e lënë në një automjet.
Nga hetimet paraprake, rezulton se një ditë më parë, më 18 qershor, në të njëjtën zonë, ai kishte kryer një tjetër vjedhje duke marrë 114 000 lekë nga një mjet tjetër.
Policia bën me dije se i dyshuari kishte si objektiv çantat e lëna në automjete, ku kërkonte para ose sende me vlerë.
Materialet procedurale janë referuar Prokurorisë së Sarandës për vijimin e hetimeve dhe veprimeve të mëtejshme ligjore.
Lini një koment