Administratori i një lokali nate në Ksamil është proceduar penalisht për prishje të qetësisë publike.
Ngjarja ndodhi në orët e vona të datës 1 korrik, në lagjen nr. 2 të Ksamilit, në rrugën “Alida Hisku”, ku nga grumbullimi i personave në ambientet e lokalit u shkaktuan zhurma të larta që shqetësuan banorët dhe pushuesit e zonës.
Pas ndërhyrjes së policisë dhe veprimeve procedurale, u procedua penalisht administratori i lokalit, shtetasi A. M., 32 vjeç, banues në Tiranë, për veprën penale të “Prishjes së qetësisë publike”.
Policia e Sarandës njofton se do të vazhdojë kontrollet intensive në të gjitha zonat turistike për të garantuar rendin, qetësinë dhe sigurinë e banorëve dhe turistëve që frekuentojnë bregdetin.
Lini një koment