Gjykata e Sarandës ka caktuar masën “arrest në burg” për Alfred Kajan dhe Sidorel Morisenin, të arrestuar mbrëmjen e së hënës në fshatin Gjashtë, ndërsa tre personat e tjerë të arrestuar me ta janë lënë të lirë.
Kaja dhe Moriseni akuzohen për “Mbajtja pa leje e armëve”, pasi gjatë ndërhyrjes së policisë iu gjetën dy pistoleta, njëra prej tyre me silenciator. Vitrin Hoxha, Franko Bobja dhe Vionis Poka, të dyshuar për “Moskallëzim krimi” nuk do të qëndrojnë në burg.
Pesë të rinjtë u kapën në një pritë pranë një lokali në fshatin Gjashtë, ku policia ndërhyri pas dyshimeve se mund të ishin duke përgatitur një ngjarje kriminale. Në kontroll u gjetën dy armët e zjarrit, ndërsa hetimet vijojnë për të përcaktuar qëllimin e tyre dhe objektivin që prisnin.
Lini një koment