Një aksident rrugor është shënuar pasditen e sotme pranë fshatit Buronjë, në afërsi të Stjarit, në aksin rrugor Delvinë-Sarandë.
Sipas njoftimit zyrtar nga Policia, një automjet ka dalë nga rruga dhe ka rënë nga ura, duke shkaktuar plagosjen e drejtuesit të mjetit, shtetasit N. B., 61 vjeç.
Për pasojë, drejtuesi i automjetit është transportuar fillimisht në spitalin e Sarandës, më pas në QSUT Tiranë për mjekim më të specializuar. Mësohet se ai ndodhet jashtë rrezikut për jetën.
Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
Lini një koment