Një aksident i rëndë u shënua këtë të mërkurë në zonën turistike të “Gjirit të Filikurit” në Himarë, ku një turiste holandeze humbi jetën, ndërsa një tjetër shtetase franceze mbeti e plagosur.
Sipas informacioneve paraprake, 23-vjeçarja holandeze M. B. dyshohet se ka rënë aksidentalisht gjatë një zbritjeje me litar nga shkëmbin. Pavarësisht ndërhyrjes së menjëhershme të Policisë Kufitare dhe dhënies së ndihmës së parë mjekësore, e reja nuk mundi të mbijetonte për shkak të plagëve të rënda.
Ndërkohë, nga rrëshqitja e disa gurëve në momentin e ngjarjes, është dëmtuar dhe një 18-vjeçare franceze, J. L., e cila ndodhej pranë vendit të aksidentit. Ajo u transportua menjëherë në spital dhe po merr trajtimin e nevojshëm mjekësor.
Grupi hetimor ndodhet në terren dhe vijon punën për zbardhjen e plotë të rrethanave të këtij aksidenti tragjik.
Lini një koment