Një aksident rrugor është regjistruar pak minuta më parë në aksin nacionale Sarandë–Delvinë, në vendin e quajtur Shijan.
Sipas informacioneve paraprake, në aksident janë përfshirë dy mjete: një automjet tip Ford me targë AA240GE, i drejtuar nga shtetasi Leonard Begolli, 64 vjeç, dhe një automjet tip Benz me targë AB896TC, në pronësi të shtetasit Alen Preçi.
Si pasojë e përplasjes kanë mbetur të plagosur katër persona që ndodheshin në dy mjetet, përfshirë edhe drejtuesit e tyre. Të lënduarit janë transportuar me urgjencë në spitalin e Sarandës, ku sipas burimeve mjekësore ndodhen jashtë rrezikut për jetën.
Në vendngjarje kanë mbërritur menjëherë shërbimet e Qarkullimit Rrugor Sarandë, të cilat po punojnë për të zbardhur rrethanat dhe shkaqet e aksidentit.
Lini një koment