Këshilli Bashkiak i Sarandës ka miratuar me unanimitet të votave të socialistëve dhe demokratëve, dhënien me qira të një sipërfaqeje prej 60 hektarësh në zonën e Heremecit, për ndërtimin e një parku me panele diellore.
Mbledhja e këshillit u zhvillua pa praninë e banorëve dhe nën masa të shtuara sigurie. Forca të shumta policore ishin të pranishme gjatë gjithë kohës, ndërsa hyrja në ambientet e mbledhjes iu ndalua komunitetit vendas, i cili pretendon pronësinë mbi tokën në fjalë.
Banorët kanë reaguar duke theksuar se çështja është në shqyrtim gjyqësor dhe se vendimi është marrë pa transparencë dhe pa konsultim publik. Ata paralajmëruan vijimin e rezistencës ligjore dhe qytetare, duke e cilësuar procesin si të njëanshëm dhe cënues ndaj të drejtave të tyre pronësore.
Pyetja që lind është si ka mundësi që sa herë që ka një projekt me para të madhe në lojë, por që cënon interesat e komunitetit, të majtët dhe të djathtët bëhen të gjithë ose “pjesërisht” bashkë për ta kaluar në Këshillin Bashkiak.
Lini një koment