Denoncon turisti gjerman: Fibank më mbajti 75 euro komision për në tërheqje në bankomat në Ksamil

Fi Bank akuzohet për mungesë transparence ndaj turistëve të huaj.

Një qytetar gjerman ka denoncuar një tarifë të pazakontë komisioni që iu aplikua gjatë një tërheqjeje të thjeshtë në një bankomat në Ksamil, duke ngritur shqetësime mbi transparencën e institucioneve financiare në zonat turistike të Shqipërisë.

Sipas dokumentacionit të publikuar nga vetë turisti në rrjete sociale, ai kreu një tërheqje prej 400 eurosh në një ATM të FI Bank, por nga llogaria e tij u zbritën gjithsej 475.80 euro – çka përkon me një komision prej 75.80 eurosh, ose rreth 19% të shumës së tërhequr.

“Një përvojë shokuese,” e ka cilësuar ai ngjarjen, duke theksuar se nuk iu dha asnjë paralajmërim i qartë për një tarifë të tillë përpara përfundimit të transaksionit. “As në destinacione shumë më të shtrenjta në Evropë nuk kam paguar ndonjëherë komisione të kësaj natyre,” është shprehur ai.

Rasti ka nxitur reagime dhe diskutime në rrjete sociale dhe media lokale, duke ngritur pikëpyetje mbi mungesën e kontrollit dhe mbikëqyrjes që i bëhet praktikave të tarifimit nga bankat, veçanërisht në zona me fluks të lartë turistësh.

Deri më tani, nuk ka pasur një reagim zyrtar nga FI Bank për këtë rast.