Një aksident i rëndë ka ndodhur paraditen e sotme në afërsi të fshatit Shkallë, në territorin e Bashkisë Konispol. Sipas informacioneve paraprake bëhet me dije se 1 person ka humbur jetën si pasojë e përplasjes së dy motoçikletave.
Si rezultat i goditjes, ka humbur jetën në vendngjarje shtetasi Urim Çaze, 70 vjeç, banues në Konispol. Drejtuesi i mjetit tjetër, shtetasi Besnik Arapi, ka mbetur i plagosur dhe është transportuar me urgjencë për në spital.
Në vendngjarje ndodhen forcat e policisë të cilat po kryejnë veprimet e nevojshme hetimore dhe procedurale për dokumentimin e plotë të aksidentit.
Lini një koment