Një 19-vjeçar nga Vrina e Konispolit është arrestuar në flagrancë pranë Qafë Botës, pasi dyshohet se po ndihmonte 6 persona të kalonin ilegalisht kufirin drejt Greqisë.
Sipas Policisë Kufitare, bëhet fjalë për dy gra nga Fieri dhe Lushnja, së bashku me katër fëmijët e tyre, të cilët nuk dispononin dokumente. I riu dyshohet se do t’i shoqëronte në këmbë përmes kufirit të gjelbër kundrejt pagesës prej 100 europër person.
Policia ka shpallur në kërkim edhe drejtuesin e automjetit që transportoi shtetasit deri pranë kufirit, ndërsa materialet i janë referuar Prokurorisë për veprën penale “Ndihma për kalim të paligjshëm të kufijve”.
Lini një koment