Policia Rrugore e Vlorës dhe Sarandës kanë ndërmarrë një aksion për monitorimin e qarkullimit dhe rritjen e sigurisë rrugore gjatë sezonit turistik. Kontrollet janë zhvilluar në akset kryesore të qarkut me përdorimin e radarëve, dronëve dhe automjeteve inteligjente, me fokus drejtuesit që shkelin rregullat e qarkullimit.
Gjatë periudhës 1–6 gusht 2026, janë arrestuar dhe proceduar penalisht 24 drejtues mjetesh, kryesisht për drejtim automjeti në gjendje të dehur, pa leje drejtimi apo shkelje të rregullave të qarkullimit me pasoja.
Ndërkohë, gjatë këtyre kontrolleve janë vendosur 3344 masa administrative për shkelje të ndryshme të Kodit Rrugor, përfshirë tejkalim shpejtësie, mosvendosje të kaskës mbrojtëse, përdorim celulari gjatë drejtimit dhe shkelje të tjera.
Policia Rrugore njofton se kontrollet do të vijojnë në të gjitha akset rrugore të Vlorës dhe Sarandës, me qëllim parandalimin e aksidenteve dhe rritjen e sigurisë për përdoruesit e rrugës.
Lini një koment