Gjatë një serie kontrollesh të realizuara nga Autoriteti Kombëtar i Ushqimit në Vlorë, janë identifikuar deri tani 6 subjekte, të cilat kanë pasur në ambientet e tyre dhe kanë tregtuar për klientët mish pule të kontaminuar me Salmonelë.
Subjektet përfshijnë markete dhe restorante, të cilat janë hallka e fundit e konsumit të këtyre produkteve nga klientët.
Burime të besueshme bëjnë me dije se nga qyteti i Vlorës janë tërhequr sasi të konsiderueshme të mishit të pulës me Salmonelë. Dyshohet se numri i subjekteve, përfshirë markete, restorante dhe fast-food-e, të cilat kanë tregtuar apo shërbyer mish të kontaminuar, mund të jetë edhe më i madh.
Pjesa më e madhe e këtyre subjekteve janë të vendosura afër shkollave dhe në zonat më të frekuentuara të qytetit.
Pas daljes së lajmit në media, shumë subjekte private në Vlorë kanë hequr menjëherë mishin nga stoqet e tyre, pavarësisht nëse ai ka qenë i infektuar me Salmonelë apo jo, për të shmangur çdo rrezik për konsumatorët.
Ndërkohë, janë marrë masa administrative dhe janë shqiptuar gjoba për subjektet që kanë shkelur rregullat e sigurisë ushqimore.
Ndërkohë në Sarandë nuk dihet ende nësa ka subjekte që kanë tregtuar produkte pule të kontaminuara, edhe nëse i kanë hequr ato nga qarkullimi i bizneseve të tyre?!
Lini një koment