Policia e Sarandës ka vënë në pranga tre persona, përfshirë pronarin e një subjekti privat, në lidhje me sherrin e dhunshëm që ndodhi pasditen e të shtunës, ku 46-vjeçari Albert Pashaj mbeti i plagosur pasi u sulmua me sende të forta.
Sipas uniformave blu, përplasja fizike ndodhi si pasojë e një konflikti mes dy sipërmarrësve për përdorimin e hapësirës së një plazhi.
Në kuadër të hetimeve dhe mbledhjes së provave, policia arrestoi shtetasit:
• Agim Taraj, 43 vjeç, banues në Berat, pronar i “Sunset Beach Bar”;
• Silvjan Sulku, 18 vjeç, banues në Dibër;
• Aldo Zeqiraj, 35 vjeç, banues në Dibër.
Po ashtu, autoritetet proceduan penalisht në gjendje të lirë një 17-vjeçar nga Kamza, i përfshirë në incident.
Policia njoftoi se vijojnë hetimet për zbardhjen e plotë të rrethanave dhe identifikimin e personave të tjerë të mundshëm të përfshirë në konflikt.
Lini një koment