Kandidati i Partisë Socialiste në qarkun e Vlorës, Gjergji Mërkuri, ka zhvilluar këtë të premte një tur takimesh me qytetarë dhe biznese në qytetin e Sarandës.
Në një postim të publikuar nga vetë kandidati në rrjetet sociale, shihet pritja e ngrohtë që qytetarët i kanë bërë në lagje të ndryshme të qytetit. Me përqafime dhe fjalë pozitive, banorët kanë shprehur mbështetjen e tyre ndaj kandidatit Mërkuri, të cilin e cilësojnë si një figurë të pakorruptuar dhe të denjë për t’i përfaqësuar në Kuvendin e Republikës.
Në përshkrimin që shoqëron videon e publikuar, Mërkuri ka shprehur mirënjohjen e tij për mbështetjen e marrë.
Nën sloganin “Me njerëzit, për njerëzit”, kandidati socialist bën thirrje për një votë masive nga qytetarët. “Sot, mes qytetarëve të mi, aty ku përkas. Derë më derë, biznes më biznes, së bashku me një pjesë të ekipit tim, ndjemë ngrohtësinë e buzëqeshjeve tuaja dhe besimin që na fuqizon në çdo hap. Mirëpritja juaj e sinqertë na mbushi me emocion e energji. Së bashku, të bashkuar deri në fund dhe të vendosur, drejt fitores”, shkruan Mërkuri në rrjetet sociale.
Lini një koment